نجوى المالحي-كود//
الفيلم بابيلون الميريكاني لي مرشح لجوائز الأوسكار غادي يتم عرضو في المغرب في السينما، لكن مقص الرقابة تدخل وقطع شي لقطات.
الفيلم لي من بطولة براد بيت وماركَوت روبي وباش يتعرض على المغاربة قطعو منو لقطات فيها البوسان بين جوج ديال الممثلات ومشاهد جنسية بين المثليين.
العمل السينمائي المدة ديالو 3 ساعات، وهو من اخراج داميان شازيل، والقصة ديالو كلها اثارة وتشويق حول انتقال صناعة السينما بـ هوليوود من الأفلام الصامتة إلى الأفلام الناطقة في أواخر عشرينيات القرن الماضي.
فيلم Babylon كيسلط ضو على شاب سميتو جاك كونراد كيلعب الدور ديالو براد بيت وهو ممثل مقاتل مع الوقت في هوليوود باش يولي ممثل كبير.
