كود الرباط//

التصريح ديال گزافيي بيرتران رئيس جهة “اوت دو فرانس” اللي جا فيه ” ايلى خاصني نختار بين المغرب والجزائر غادي نختار المغرب وبلادنا خاصها تاخد موقف مزيان من الصحرا”. مجاش من فراغ.

حسب مصادر “كود” فإن بيرتران سبق له جا للمغرب وصرح بلي مع الوحدة الترابية للمملكة، وفاش جا لمراكش تلاقا مع رئيس جهة مراكش آسفي، سمير كودار، وقال بلي مع مغربية الصحراء علانية.

بل أكثر من هذا، بيرتران بصفتو رئيس جهة “أوت دو فرانس” عندو اتفاقية شراكة مع مجلس جهة مراكش اسفي.