كود سبور//

كيبان ان الحكم الدولي رضوان جيد ما بقاش قادر يسيطر على الأعصاب ديالو فالتيرانات، وهذا الشي بان فماتش يوسفية برشيد والمغرب الفاسي البارح السبت برسم الدورة 10 من البطولة الاحترافية.

الحكم رضوان جيد دار تصرف غريب على انه يصدر من حكم، بعدما دفع لاعب يوسفية برشيد جيفرسون فالدقيقة 84، بسبب الاحتجاج وما قداتوس الدفعة والصفرا اللي عطاه حيث احتج عليه زاد جبد له البطاقة الحمرا.

التصرف الخشن من الحكم رضوان جيد يقدر يضرب له الكاريير ديالو كلها فالزيرو، ويقدر ياخد الحمرا من الجهات المسؤولة على التحكيم المغربي قبل ما يحط الصفرا بمرة، خصوصا وانه قريب يعلق الصباط فمرة حيث ما بقى له والو على السن القانوني.