الرئيسية > ميديا وثقافة > تصرفات غبية لمصورين ماشي مهنيين خلات مكتب مجلس النواب يمنع الصحافيين من اللجن الدائمة.. ومصدر لـ”كود”: العلاقة بين الصحافة والبرلمان غاتعاود كاملة وترجع ليها الهيبة
21/01/2022 14:00 ميديا وثقافة

تصرفات غبية لمصورين ماشي مهنيين خلات مكتب مجلس النواب يمنع الصحافيين من اللجن الدائمة.. ومصدر لـ”كود”: العلاقة بين الصحافة والبرلمان غاتعاود كاملة وترجع ليها الهيبة

تصرفات غبية لمصورين ماشي مهنيين خلات مكتب مجلس النواب يمنع الصحافيين من اللجن الدائمة.. ومصدر لـ”كود”: العلاقة بين الصحافة والبرلمان غاتعاود كاملة وترجع ليها الهيبة

كود الرباط//

علمت “كود” من مصدر مطلع أن بعض التصرفات الغبية والغريبة لي كيديرو شي مصورين قلال بزاف داخل البرلمان، خلات مكتب مجلس النواب يرجع للنظام الداخلي ويمنع الصحافيين من تغطية اللجن الدائمة.

هاد المبرر لي بنا عليه مكتب مجلس النواب قرارو، ودافع على تطبيقو الرئيس الطالبي العلمي، ماشي منطقي وماشي معقول، حيث ميمكنش يجمعو كولشي فسلة وحدة.

ورغم احتجاجات الفرق والمجموعات النيابية على على قرار منع ولوج الصحافة إلى اجتماعات اللجن الدائمة، إلا أن مصادر مقربة من الطالبي العلمي قالت لـ”كود” بلي :”العلاقة بين النواب والصحافة غادي تنظم، وكاين لقاءات مع رئيس المجلس الوطني للصحافة ورئيس النقابة الوطنية للصحافة، باش يكون تنظيم افضل”.

واضاف ذات المصدر بلي شكل العلاقة الجديدة غاترجع الهيبة لهاد العلاقة، لي غايكون فيها تنظيم محكم وتوفير وسائل لوجستيكية وتقنية لنجاحها، من قبيل قاعة خاصة للتصريحات للصحافة.

بعض المصورين كيشوشو شويا وكيقلقو البرلمانيين، وشي تصرفات غير لائقة تصدرات من شي وحدين منهم، خلات رؤساء الفرق واعضاء مكتب مجلس النواب، ينتفضو ويحتجو لدى الطالبي العلمي.

قرار ماشي فصالح مؤسسة البرلمان وماشي فصالح الحكومة لي بغات تروج لبرامجها وانجازاتها فاللجن.

شفنا كيفاش قرار فرض سن 30 عام فالتعليم، شرحو وزير التربية الوطنية شكيب بنموسى بطريقة سلسلة وبمعطيات فلجنة التعليم، كانت الصحافة حاضرة وكولشي دار تغطية، وتحيد اللبس اللي كان على هاد القرار الجريء.

ماشي غير هادشي، نهار طبق قرار منع الصحافة، جاو اعضاء اللجنة العلمية فعز الحديث عن موجة اميكرون، للبرلمان وبالضبط للجنة القطاعات الاجتماعية، وقدمو معطيات وكان نقاش مهم بزاف، ولكن غابت الصحافة والرأي العام والفاعلين الاقتصاديين وفالصحة والسياحة موصلهم والو من هاد اللقاء المهم.

موضوعات أخرى

18/05/2022 11:30

بعد فتح حدود سبتة ومليلية.. بنعيسى لـ”كَود”: المغرب فرض واقع جديد فعلاقتو مع إسبانيا وإيقاف الطراباندو نهائيا دار حد لخسائر كانت كتفوت نص مليار دولار كل عام

18/05/2022 11:20

نقابة ال”ODT” للحكومة: كنطالبو بإلغاء الضريبة على الدخل بالنسبة لمعاشات التقاعد وخاص يستافدو حتى المتقاعدين من أي زيادة تقررات فالصالير