كود – BBC //

الديمقراطيون اليوم  فلجنة الرقابة بمجلس النواب الأمريكي نشروا 19 لتصويرة جديدة ديال جيفري إبستين، اللي كان محكوم بجرائم الاعتداء الجنسي على الأطفال، هاد الصور كتشمل شخصيات مشهورة بحال الرئيس الأمريكي دونالد ترامب، الأمير أندرو ماونتباتن ويندسور، وستيف بانون، لكن ما كاين حتى دليل على أن أي واحد منهم ارتكب مخالفة.

الجمهوريون اللي كيقودو لجنة الرقابة اتهمو الديمقراطيون بـ”انهم اختارو تصاور بالشكل لي بغاو وعدلوهم كيف بغاو” من جهتهم، الديمقراطيون بحال النائب روبرت غارسيا كيأكد أن هاد تصاور كتطرح أسئلة على العلاقات ديال إبستين مع الناس الأقوياء وكتزيد الضغط على وزارة العدل باش تخرج جميع الملفات قبل 19 ديسمبر.

الصور كتشمل ترامب مع دريات، وأيضاً ستيف بانون مع إبستين وودي آلن، وبيل كلينتون، وبيل غيتس، وآلان درسوشيت، وريتشارد برانسون، ولاري سامرز. بعض الصور كانت مأخوذة من وكالات تصوير محترفة بحال Getty، ولكن وخا يبان أي شخص فالصور ما كيعنيش أنه بلضرورة دار شي مخالفة، من غير انها كتبين  العلاقات الاجتماعية ديال إبستين مع ناس عندهم نفوذ كتقول bbc .

الملفات الجديدة كتفتح الباب قدام الصحافة والباحثين باش يحللو ويتبعو شبكة العلاقات ديال إبستين، الديمقراطيون مصرّين باش يكشفو الحقيقة ويقدمو العدالة للضحايا، اما الجمهوريون كيشوفو أن الهدف سياسي ،الموعد النهائي لإطلاق جميع الملفات عند وزارة العدل هو 19 ديسمبر، والضغط مستمر باش يتم نشر كل الملفات المتعلقة بالقضية.