مصطفى المزابي -كود الدروة //

اليوم الجمعة فالعيشة عاشت الدروة باقليم برشيد فلم ميراكيني ديال الاكشن ،هذا الفلم كما سردات مصادر “كود ” ،ان عناصر الدرك الملكي بمركز الدروة ،وباشراف من القائد الجهوي ،تمكنات من توقيف بارون المخدرات وشقيه كان ،وحجز حوالي 300 غرام ديال الغبرة و 150 غرام ديال البوفا 2 كيلو ديال الحشيش فيها 100 كيلو ديال الحشيش و10 كيلو ديال الكيف او طابا و 4000 قرفوبية بالاضافة الى اسلحة بيضاء وميزان إلكتروني .

وفي هذا السياق قالت المصادر ديال ” كود “، ان تفاصيل توقيف هذا جوج خوت تعود حينما طاردت عناصر الدرك الملكي العاملة بمركز الدرة سيارة هذا البزناز بعدما كان واحد فيهم موضوع العديد من مذكرات بحث صادرة عن الفرقة الوطنية ديال البوليس والشرطة القضائية ببرشيد والدرك الملكي ولي بلغ العدد ديالها 34 مذكرة ، بحيت اسفرت عملية المطاردة عن دخول البزناز في عمود كربائي الأمر لي خلا سيارة تتوقف ،وتحاصر عناصر الدرك السيارة وتوقيف ما في داخلها وحجز الكمية من المهمة من المخدرات والأسلحة البيضاء مختلفة الحجم وميزان .

المصدر ديال “كود ” تيضيف ان افراد الدرك بعدما حجزو هذا الكمية الكبيرة ديال المخدرات او شدو هذا البزنازة وحجز السيارة ، تم اقتيادهما صوب مركز الدرك رفقة المحجوزات ،حيت تم وضعهما تحت تدابير الحراسة النظرية بتعليمات من النيابة العامة المختصة .