كود كازا ///

بعد ايام من لمعيور ولمضاربة، خرج ايلون ماسك باطرون “اكس” بتدوينة كيعتاذر فيها لدونالد ترامب رئيس امريكا وصديقو السابق. ماسك كتب “كنتأسف لبعض تدويناتي على الرئيس دونالد ترامب السيمانا اللي فاتت. راني فتت گاع الحدود”

المعيور بيناتهم بدا بسباب مشروع قدمو ترامب لخفض النفقات الفيدرالية. ناض عارضو ماسك. دار فيه ترامب وقال باللي عاونو بزاف واللي خاب ظنو فيه.

ماسك رد مشى بعيد باش قال باللي كان سباب باش وصل للرئاسة وربح الاغلبية فمجلسي النواب والشيوخ.

ترامب كان هدد ماسك باش يوقف كوموند من الدولة لطونوبيلات “تيسلا” ديالو ووقف التعاون الحكومي مع “سبيس ايكس” ديال الفضاء