الرئيسية > آش واقع > تصاطيح بين طيارة لارام والطيارة التركية. شكون ضرب شكون؟ التحقيق مازال كاين والركاب داوهم لاوطيل فاسطمبول
10/08/2018 08:57 آش واقع

تصاطيح بين طيارة لارام والطيارة التركية. شكون ضرب شكون؟ التحقيق مازال كاين والركاب داوهم لاوطيل فاسطمبول

تصاطيح بين طيارة لارام والطيارة التركية. شكون ضرب شكون؟ التحقيق مازال كاين والركاب داوهم لاوطيل فاسطمبول

كود كازا ///

التحقيق الاولي للاصطدام بين “دريم لاينر B787 تابعة للخطوط الملكية المغربية البارح مع طائرة تابعة ل”توركيش اون لاين” بوينگ B777 بمطار اسطمبول ما زال ما عطى والو وفق الصحافة التركية. اللي واقع دابا هو ان الجناح الايمن للبيونغ المغربية ومؤخرة الطائرة التركية تمسو. وفق المصدر نفسه هاد الشي ماشي قاصح بزاف ويقدر يتصايب فشي اسبوع.

وفق مصدر مغربي فان الركاب بعدما نزلوهم البارح داوهم للاوطيل وغاديين يقلبو ليهم كيفاش يرجعو.

ولكن شكون اللي داير لافوط واش الربان المغربي اللي كان يالله كيوجد باش يطير لا الطائرة التركية اللي كانت فشي بلاصة ما محطوطاش مزيان؟ دابا هاد الشي اللي غادي يتوصل ليه التحقيق.

اللي كاين هو بحال هاد الحوادث كاينة معارك اخرى كبيرة بين شركات التأمين. هنا كلشي كيقلب باش يرجع لاخر فوتيف.

هاد المطار ماشي هادي اول كسيدة فيه من هاد النوع.

موضوعات أخرى

14/08/2018 13:00

ارهاب. البوليساريو قتلات 2 عساكرية موريتان. علاش ما يمكنش لا لداعش ولا ل”انصار الدين” ماشي فمصالحهم ضرب نواكشوط وعلاش دارت هاد الشي البوليساريو