گود سبور//

تعرض الدولي المغربي سفيان أمرابط للإصابة مع الفريق ديالو ريال بتيس الإسباني فـ ماتش الفريق ضد أوتريخت الهولندي ضمن منافسات اليوروبا ليگ.

ومع قدرش سفيان أمرابط يكمل الماتش هو ايسكو بعدما تصاطحو حيث ما كانش بيناتهم تواصل، وبغاو يضربو الكورة بجوج فـ وقت واحد وتمو جايين بجهد وضربو بعضياتهم بقوة.

سفيان أمرابط ما قدرش يكمل الماتش وخرج على رجليه كايتمشى، في انتظار نتائج الفحوصات الطبية، خصوصا وان كاس افريقيا بقات قل من شهر، وهذا الشي كايخلي المغاربة يتبرزطو حيث اللاعب مهم فـ تشكيلة المنتخب.