وكالات//

ماتت جوسلين وايلدنشتاين، المليونيرة السويسرية  المعروفة بالإفراط ديالها في عمليات التجميل، وهي في عمرها 84 عام.

وقال الشريك ديالها لويد كلاين أنها ماتت وهي كتدير لاسييست في 31 ديسمبر.

تزادت جوسلين بيريسيت في لوزان، سويسرا، عام 1940. وتشهرات عالميًا بعد زواجها من الملياردير أليك وايلدنشتاين في عام 1977، وهو الزواج الذي عطاها 2 ديال الدراري، ديان وأليك جونيور.

وتفارقات مع راجلها عام 1997 في طلاق تصدر العناوين، بعدما خدات تسوية مالية كبيرة وصلات 2.5 مليار دولار و100 مليون دولار كل عام.

وتشهرات جوسلين بلقب “المرأة القطة” بسبب المظهر ديالها لي ولا عندها بسبب عمليات التجميل، وهو ما أثار جدلاً واسعًا.

بعد الطلاق ديالها، حاولت جوسلين تبعد من الأضواء ولكن لقات مشاكل مالية وعلنات على الإفلاس ديالها عام 2018؛ وهو شي لي تسبب ليها في السيزي للشقة الفاخرة ديالها في برج ترامب في ميريكان.