وكالات//

لقاو البوليس ديال دولة تشيلي 3 الساعات فاخرة ديال الممثل الميريكاني المشهور كيانو ريفز.

وفعام 2023، دخلو شي شفارة للدار ديال النجم السينمائي الميريكاني للدار ديالو وهزو ليه بزاف ديال الحوايج الغاليين منهم ستة ديال الساعات الفاخرة.

ودارو البوليس ديال تشيلي واحد البلاغ قالو فيه بللي هادشي جا بعدما حلو أونكيط مشترك مع البوليس ديال ميريكان.

وقالت في نفس البيان إن عمليات المداهمات لي داروهوم لهاد الديور ديال هاد العصابة لقاو فيهم بزاف ديال الذهب وبزاف ديال الحوايج الغاليين.

ومعروف هاد الممثل بالدور ديالو في سلسلة أفلام “جون ويك” والساعات كلهم تصممو خصيصا ليه ومنقوش فيهم السمية ديالو.