كود -لوفيغارو//

النيابة العامة بليل ففرنسا قالت باللي رئيس شبكة تهريب كبيرة فسين ماريتيم، اللي تشد فكازا نهار 22 فبراير 2025 بناء على مذكرة بحث دولية، تسلّم للسلطات الفرنسية فـ23 سبتمبر 2025 ودابا راه فالحبس الاحتياطي.

الموقوف متهم بتنظيم تهريب المخدرات بحال الكوكايين والحشيش فالبر والبحر من المغرب لكولومبيا، الشبكة كانت كتستعمل طرق معقّدة بحال تخبية د المخدرات فليكونتونير فموانئ لو هافر ومولينو ودونكيرك، وكيتعاونو مع بعض العمال باش يدوز كونتونير بلا مشاكل، والتهم لي عندو حيازة، نقل، توزيع وشراء المخدرات وغسل الأموال والفساد.

المدعي العام صامويل فينييلز قال باللي المتهم كان عندو علاقات مع كبار تجار المخدرات فمرسيليا، وكانو كيتحالفو باش يستوردو المخدرات بكميات كبيرة ويحققو أرباح بملايين اليورويان، ـيونيو 2023، شدّو 183 كيلوغرام كوكايين فحاوية فميناء لو هافر، وفسبتمبر اكتشفو فياجات أخرى بين 400 كيلو، حتى لطن بطريقة تنزال فالبحر واسترجاعها بسفن الصيد.

التحقيقات شملت تسعة آخرين من الشبكة، منهم عمال فالموانئ وبعض الوسطاء ففرنسا، وتوجّهت ليهم تهم نهاية 2023. الشبكة كانت كتستغل المعلومات والخدمات ديال العمال باش دوز الحاويات بالمخدرات، وعندها شبكة دولية كبيرة بين المغرب وكولومبيا وفرنسا، وهاد الشي خلاها وحدة من أكبر الشبكات فالبحر الأبيض المتوسط.

https://www.lefigaro.fr/faits-divers/seine-maritime-le-chef-presume-d-un-reseau-de-narcotrafic-extrade-du-maroc-et-mis-en-examen-20251222