كود سبور//

تأكد أن الدولي المغربي عبد الصمد الزلزولي داخل فالمنظومة ديال تشافي هيرنانديز مدرب البارصا الإسباني، هو اللاعب الصغير المغربي الأصل لامين يامال.

ووجه تشافي هيرنانديز  الدعوة لكل من عبد الصمد الزلزولي ولامين يامال باش يكونو فماتش البارصا الأول فالبطولة الإسبانية، اللي غيكون اليوم الأحد ضد فريق خيطافي.

وحط تشافي لائحة فيها 21 لاعب، غيكونو حاضرين مع البارصا ضد خيطافي، وضمنهم الثنائي عبد الصمد الزلزولي ولامين يامال.

للإشارة، فعبد الصمد الزلزولي اللي اختار يمثل المغرب ولامين يامال المغربي الأصل مول 16 عام اللي كيلعب مع المنتخب الإسباني لأقل من 17 عام، كلشي كيتنبأ لهم بمستقبل واعر فالكرة.