كود سبور//
غايبدا الإسباني تشابي ألونسو الخدمة ديالو فتدريب ريال مدريد الإسباني، قبل مونديال الأندية اللي غايشارك فيه الفريق فهاد الصيف بالميريكان.
وحسب جريدة EL PAìS الإسبانية، فتشابي ألونسو غايبدا يدرب ريال مدريد ابتداء من فاتح يونيو الجاي، وهذا الشي بعدما اتفق مع إدارة النادي على توقيع عقد بيناتهم فيه 3 سنين.
ووضح نفس المصدر أن تشابي ألونسو مول 43 عام، غايوجد مع ريال مدريد لمدة 2 سيمانات، قبل ما يسافرو يوم 14 يونيو الجاي للميريكان، باش يشاركو فكأس العالم للأندية، وغايحضر أول ماتش كمدرب لريال مدريد يوم 18 يونيو الجاي فميامي ضد الهلال السعودي.
أما بخصوص الطالياني كارلو أنشيلوتي، وضحت الجريدة، أنه غايمشي بحالو مع نهاية بطولة الصبليون، وأنه غايكون واحد الحفل باش يكرموه ريال مدريد فالجولة الأخيرة من لاليگا ضد ريال سوسيداد فسانتياگو برنابيو وهي الجولة اللي غاتلعب بين 24 و25 ماي الجاري، وعايمشي يدرب البرازيل.
