كود – وكالات//

اليوم الأربعاء فنيبال، لبلاد عرفات كارثة إنسانية وبيئية خايبة بزاف فمنطقة جبال الهيمالايا.

فيضانات مجهدة ومفاجئة دمرات المناطق الحدودية بين نيبال وإقليم التبت الصيني، الحصيلة اللّولة لي تسببت فيها هاد الكارثة كتقول باللي ماتو على الأقل 95 واحد وتجرحو مئات آخرين، و 384 سائح اغلبهم حجاج وسياح.

https://x.com/PolymarketIntel/status/2092579801626272232

وزير الخارجية النيبالي قال قدام البرلمان، هاد الفيضان ما جاش من شتا عادية، ولكن السبب كان زلزال بقوة 4.4 درجات ضرب إقليم التبت، هاد الزلزال دار انهيار كبير ديال الصخر والتلج، وسد المجرى ديال واد “بوتيكوشي” الشي لي خلا يتكون سد طبيعي قبل ما يتفركع .

السلطات كتقول بلي فيلاجات كاملة غبرات تحت الطين كيف ما دمرات البنية التحتية
ديال النقاطعات النيبالية القريبة من بلاصة الكارثة.

وزارة الموارد المائية فنيبال قالت باللي المشاريع ديال الطاقة المائية تضررات بزاف، وهادشي حبس إنتاج 430 ميجاوات من الضو .

الحملة دات حتى “جسر الصداقة” التاريخي  اللي كيربط الصين بنيبال و أغلب المفقودين هما حجاج وسياح هنود كانوا غاديين لجبل كايلاش المقدس، وكان معاهم 47 ميريكاني، و33 بريطاني، ومواطنين خرين من كندا، وأستراليا، وماليزيا، وكوريا الجنوبية.

السفارات فالعاصمة كاتماندو دايرين حالة استنفار باش يعرفو شكون مات وشكون حي، وكيطلبو من مواطنيهم يبعدو على الويدان.