كود الرباط//
العرف الحكومي كيعطي للوزراء الحق فعطلة صيفية واللي غالبا كتكون فشهر غشت.
أغلب الوزراء كيستفدو من العطلة، باستثناء بعض القطاعات للي ختارت تبقا بلا عطلة، بحيث العام لي فات الوزير للي مخداش عطلة هو وزير الصحة.
الاستثناء هاد المرة هوما الوزيرات لي تزوجو فهاد الولاية الحكومية، للي غالبا جاتهم فرصة يعيشو شهر العسل فشي منطقة سياحية إما داخل المغرب أو خارجه، وغالبا برا المغرب كيف العادة، كيفما دارت وزيرة السياحة العام لي فات فاش مشات لزنزيبار.
الوزيرات اللي تزوجو مؤخرا، مكانش عندهم الوقت يديرو العرس ولا يحتفلو كيف بغاو، المسؤولية ثقيلة وكثرة الاجتماعات مخلاتهمش، دبا عندهم فرصة يعيشو اللحظة.
يشار بلي الحكومة عاشت أفراح زوجية مؤخرا، أبطالها وزيرات ووزراء، ويتعلق الأمر بكل من وزيرة الإسكان، فاطمة الزهراء المنصوري، للي تزوجات بنبيل بركة، والوزيرة غيثة مزور اللي خطبها طبيب عيون معروف.