وكالات//

كشفات عارضة الأزياء العالمية جيجي حديد على أنها عانت مدة طويلة من مرض “هاشيموتو”، وهو اضطراب مزمن فالغدة الدرقية كيأثر على عملية الأيض وكيخلي الجسم يتبدل.

في حوار ليها مع مجلة Elle، هضرات جيجي، اللي عندها 29 عام، على تشخيص حالتها ف2016، وشرحات أن المرض بدل شكل الجسد ديالها بشكل واضح ودفعها مرات باش تغوت ف الوسادة باش تفرغ التوتر ديالها.

وأضافات جيجي أنها دارت علاج دوائي لمدة عامين، ووضحات أنها ما كانتش كتسعى باش تنقص من الوزن ديالها فالعروض ديال الأزياء، بل كانت كتركز على تحسين شكل العضلات ديالها.

وأشارت أن التعليقات السلبية على مظهرها فالإنترنت كانت كتشكل ليها ضغط نفسي كبير، وذكرت منشور سابق ليها دافعت فيه على راسها ضد التنمر الإلكتروني، ووضحات فيه أن التغيرات الجسدية اللي لاحظوها الناس كانت بسبب أعراض المرض.