وكالات//

مرا يمنية قتلات راجلها. وخوات فيه كلاشينكوف كامل، بعدما وصلات ليها الخبار أنه تزوج عليها.

على حساب ما قالت الصحافة اليمنية فهاد الجريمة وقعات في قرية “الصيفية” بمنطقة “الشجابي” التابعة لمديرية “شرعب الرونة” على حدود محافظة تعز.

وكتقول التقارير أن هاد السيدة اللي فالخمسينات من عمرها فاش وصلاتها الخبار جبدات الكلاشينكوف وخوات فيه 21 قرطاسة كلها.

وأكدات نفس التقارير أن السيدة مباشرة بعد الجريمة طلعات للجبل هي والكلاشينكوف ديالها وتخبات تما، ومع دات معها بزاف دالقرطاس مازال ما قدروش يشدوها ومازالة هربانة.