وكالات//

تزكل واحد الموظف في شركة طيران إندونيسية من الموت ديال بصح، مللي طاح من علو عالي بزاف، ديال واحد الطيارة بسبب خطأ وسوء تقدير من الزملاء ديالو.

وبين واحد الفيديو منتاشر بزاف على السوشل ميديا اللحظة لي طاح فيها هاد الموظف مسكين من فوق الدروج المتحركين ديال الطيارة لي كانت يالاه غادي تقلع من مطار العاصمة جاكارطا.

وقالت إدارة الشركة ديال الطيارات أنها غادي تحل أونكيط في الواقعة، وأكدات كذلك أن الإصابة لي تعرض ليها مكانتش خطيرة وراه خرج من السبيطار في نفس النهار.