وكالات //

انتاشر واحد الفيديو كعا الأتراك والعرب كلهم، وعاود رجع للواجهة حوادث العنصرية لي كيواجهوها العرب في تركيا، والضحية هاد المرة واحد الراجل مصري قدام ولادو الصغار.

وكيبان في الفيديو واحد التركي وهو كيهاجم واحد المصري قدام وليداتو الصغار، وضربو بطريقة مهينة.

وأكدوا بزاف ديال الناس على السوشيال ميديا أن هاد الواقعة ماشي هي الأولى أو الأخيرة، والعنصرية ضد العرب كثرات بزاف مؤخرا.

وعبرو بزاف ديال الأتراك على الغضب ديالهم من الفيديو، وطالبو السلطات انها تشد الراجل وتحاكمو على الاعتداءات لي دار للمقيم المصري.

والحادثة وقعات في مدينة اسطنبول لي معروف أنها فيها أكثر من نصف مليون عربي، أغلبهم من اللاجئين السوريين.