كود -وكالات//

إبراهيم يوجيل، واحد التركي اللي كان كيكمي تقريبا جوج باكيات ديال الگارو فالنهار لمدة 26 عام، ملي مل من المحاولات الفاشلة باش يقطعو، قرر يصنع قفص من النحاس على  راسو، لبسو، وسدّو بقفل، ومن بعد عطا سوارت لمراتو وبنتو باش ما يبقاش يقدر يحيدو وقت ما تجيه الرغبة يشعل كارو.

القصة ديالو انتاشرات فوسائل الإعلام وفمواقع التواصل، وخلات بزاف ديال الناس يهضرو عليها.

المختصين كينصحوا الناس ما يقلدوش هاد النوع ديال الحلول، وكيأكدو أن أحسن طريقة هي المتابعة مع الطبيب أو المختصين، والاستفادة من الدعم النفسي، وتعويض النيكوتين أو الأدوية اللي كتعطي نتائج مثبتة علميًا، حيث كل واحد خاصو العلاج اللي كيناسب حالتو.