وكالات//

قررات تركيا أنها تمنع واحد المسلسل دارتو “نيتفلكس” من أنه يتعرض في البلاد، بسبب القصة ديالو لي عندها علاقة بالسياسة ديال البلاد.

ودار المجلس الأعلى للإعلام السمعي والبصري التركي واحد البلاغ كيعلن فيه على قرار المنع.

وكيقول البلاغ أن هاد القرار جا بسبب القصة ديال المسلسل لي كتهضر على الغزو التركي لشمال جزيرة قبرص عام 1974.

المسلسل سميتو فاماغوستا والدولة لي نتجاتو هي اليونان، لي معروفة أنها عندها مشاكل سياسية مع تركيا، وكتقول أنقرة أنها وصلات لاتفاق مع المنصة الميريكانية باش يوقفوه.