وكالات//

قالت مصادر إخبارية تركية أن النجم ديال مسلسل “عائلة شاكر باشا”، جيم يغيت أوزوم أوغلو شدوه فالمظاهرات اللي دعت ليها المعارضة التركية بسبب حبس رئيس بلدية إسطنبول أكرم إمام أوغلو.

حسب مصدر من مكتب المدعي العام، توجهات التهم لأوزوم أوغلو بتأسيس جماعة تخريبية والتحريض على التظاهر والشغب بعدما لقاو فتيليفونو مجموعة “واتساب” اللي هو اللي أسسها.

قبل ساعات، خرج أوزوم أوغلو بمنشور على حسابه ف”أنستغرام”، ما ذكرش أي تفاصيل بخصوص اتهامه أو اعتقاله، ولكن شكر المتابعين ديالو على “دعمهم”.

وعلق وقال: “شكرا للجميع على دعمكم. إذا كنا متحدين، إذا وقفنا جنبًا إلى جنب بلا ما نركزو على الفوارق، وإذا ما ترددناش فالتحدث بصوت عالي وبسلام، غادي تكون عندنا أيام زوينة معمرة بالأمل. خاصنا نناضلو من أجل شبابنا اللي مسجونين، ومن أجل المستقبل ديالنا، ورؤساءنا المستقبليين، ومهندسينا، وأطبائنا، وفنانينا. هاد البلد هو ديالنا. المستقبل هو ديالنا”.

++