الرئيسية > آش واقع > ترتيبات كبيرة للزيارة المفاجئة لسانشيز للمغرب..مصادر “گود”: متوقع يستقبلو سيدنا
20/02/2024 17:30 آش واقع

ترتيبات كبيرة للزيارة المفاجئة لسانشيز للمغرب..مصادر “گود”: متوقع يستقبلو سيدنا

ترتيبات كبيرة للزيارة المفاجئة لسانشيز للمغرب..مصادر “گود”: متوقع يستقبلو سيدنا

كود الرباط//

توقعت مصادر “گود” بلي سيدنا الملك محمد السادس، غايستقبل رئيس الحكومة الإسبانية، بيدرو سانشيز، لي مقرر يجي غذا الاربعاء للمغرب، فزيارة مفاجئة وفسياق اقليمي خاص.

الزيارة تخصصت ليها ترتيبا كبيرة من الجانبين، وكتعكس التقارب بين مدريد والرباط فمجالات كثيرة، ومن ابرزها القضايا الاقليمية خصوصا قضية الصحراء والساحل (خطر الانفصال والارهاب )، والهجرة والاستثمارات المهمة لي كتسنا الباطرونات ديال البلدين.

وطبعا سانشيز غايتلاقا كذلك مع رئيس الحكومة عزيز اخنوش، لتقييم و تطوير العلاقات الثنائية.
هاد الزيارة المفاجئة كتعكس التطور الكبير لي عرفاتو العلاقات بين البلدين، في جميع المجالات، اقتصاديا ودبلوماسيا ورياضيا. وطبعا غاتزيد تطور اكثر.

المغرب بتعدد وتنويع الشراكات دوليا، كيزيد يقوي موقعو الاستراتيجي فالمنطقة، ويزيد انفتاحو على البلدان الصديقة لي كادعم وحدة المغرب وسيادته.

موضوعات أخرى