وكالات//

دارت وزارة الصحة البلغارية تحذير بالتعاون مع هيئة مراقبة الأدوية، كتشجع الناس باش يستعملو الأدوية فقط فالأغراض المخصصة ليها ومن بعد ما تبان الأعراض، وكتأكد على أن جميع الأدوية، حتى اللي كتتباع بلا وصفة طبية، تقدر تقدر تسبب آثار جانبية خطيرة.

التحذير جا من بعد ما انتشر تحدي جديد بشكل كبير، فيه الشباب كيحاولو ياخذو جرعات كبيرة من مسكنات الألم.

الوزارة قالت أن الاستعمال المفرط لأي دواء، كيفما كانت مادتو الفعالة ، يقدر يكون خطر على الصحة وأحيانًا مميت.

وذكرات الوزارة بخطورة هذا الترند الجديد المنتشر فمواقع التواصل الاجتماعي، خصوصًا بين الشباب فالدول الغربية، وطلبت من الأباء أنهم يكونو حذرين ويتأكدو من أن ولادهم ما يدخلوش فهاد التحدي الخطير لي يقدر يتسبب ليهم في تسمم.

الأطباء كيقولوا أن الأعراض ديال التسمم ميمكنش تبان إلا من بعد 24 إلى 48 ساعة من تناول الدواء، وكتكون فالأغلب آلام فالكرش، تقية، وصفرة فالعينين.