كود -وكالات//

بزاف ديال العيالات الحاملات ولاو كيحولو كرشهم “لوحات فنية” متحركة، هاد الترند الجديد لي تشنع فسوسل ميديا، كيزوقو فيه لماوات كروشهم باش يسجلو وقيتة من حياتهم بطريقة فنية.

هاد الفكرة ولات جزء أساسي ومن أهم الفقرات فجلسات التصوير الاحترافية وحفلات استقبال المولود “البيبي شور”، وكاينين الحاملات لي كيمشيو لفنانين متخصصين باش يرسمو لهم أشكال متنوعة وكاين لي كتختار ورود وفراشات ملوّنة، وكاين لي كتفضل رسومات، وبعض المرات كيوصل الإبداع لكتابة اسم البيبي المنتظر أو تاريخ الولادة المتوقع بخطوط فنية زوينة.

وخا هاد التراند كيبان زوين، خبراء التجميل وأطباء الجلد كينصحوا الحوامل باش يردو البال ويستعملو ألوان آمنة، طبيعية، وتكون مخصصة  للرسم على الجسم (Body Painting) باش يتجنبو أي منتجات تقدر تأثر على صحة الأم أو سلامة الجنين خصوصاً فهاد الفترة الحساسة.