كود -وكالات //

قال الرئيس دونالد ترامب اليوم الخميس فالجلسة الافتتاحية ديال ’’مجلس السلام” باللي تسعة الأعضاء وافقو يتعهدو بـ7 ملايير دولار كمساعدات لغزة، وخمسة ديال الدول قبلو يصيفطو قوات باش يشاركو فقوة دولية للاستقرار فالأراضي الفلسطينية لي مضرّبة بالحرب.

إندونيسيا والمغرب وكازاخستان وكوسوفو وألبانيا تعهدو يصيفطو قوات لقوة لغزة، اما مصر والأردن التزمو يدربو الشرطة لي غادي تشارك فهاد المهمة.

القوات غادي تبدا تنتاشر فالأول فرفح، وهي منطقة عامرة بالسكان، والإدارة الأمريكية باغا تركّز فيها جهود باش تعاود الإعمار فالمرحلة اللولة.

وقال ترامب باللي كازاخستان وأذربيجان والإمارات العربية المتحدة والمغرب والبحرين وقطر والمملكة العربية السعودية وأوزبكستان والكويت هما الدول لي قدّمو هاد التعهدات المالية.

شكر ترامب الدول المانحة وقال: “كل دولار كيتصرف هو استثمار فالاستقرار وأمل فواحد المنطقة جديدة ومنسجمة”. وزاد قال: “مجلس السلام كيبيّن كيفاش نقدروا نبنيو مستقبل أحسن هنا فهاد القاعة”.