گود سبور//

ما مسوقش الرئيس الميريكاني لتهديدات إيران بمقاطعة كأس العالم 2026، اللي غادي تكون فالميريكان وكندا والمكسيك الصيف الجاي.

وقال دونالد ترامب فتصريحات نشرتها جريدة The Guardian البريطانية: “انسحاب إيران من كاس العالم؟ هذا الشي گاعما كايهمني، كانظن أن إيران دولة مهزومة بزاف، وقريبة تطيح”.

وكاتروج أخبار من محيط الاتحاد الإيراني لكرة القدم، على مقاطعة إيران لكاس العالم 2026، بسبب الحرب اللي داخلة فيها البلاد ضد الميريكان وإسرائيل، مع العلم أن الماتشات الثلاثة اللولين ديال إيران فمجموعات كاس العالم غايكونو فميريكان ضد كل من مصر وبلجيكا ونيوزيلاندا.