وكالات//

رجع الرئيس الميريكاني السابق دونالد ترامب، لي مرشح بقوة أنه يرجع للرئاسة من جديد باش يهاجم مواقع السوشيال ميديا من جديد خاصة فايسبوك وتيك توك.

هادشي جا واخا سمح ليه موقع “إكس” لي كان “تويتر” شحال هادي باش يرجع الكونط ديالو من جديد، بسباب العلاقة ديالو المزيانة مع المالك الجديد أيلون ماسك.

وقال ترامب ف آخر التصريحات ديالو أن موقع فيسبوك هو خطر كبير على الشباب، ووصف موقع “تيك توك” على أنه تهديد للأمن القومي ديال ميريكان.

وقال أنه واخا دابا التركيز على “تيك توك” فإنه على الميريكانيين يردو البالل من فيسبوك حيت هو “العدو الأكبر ديالهم”.