كود-وكالات//

قال الرئيس الأميركي دونالد ترامب، عشية الجمعة، بلي الحرب مع إيران كتمثل بالنسبة لمريكان «حاجةً عادية»، وأكد أن طهران ما غاديش تاخد السلاح النووي.

وأكد ترامب أن مريكان كدير «ضربات متقطعة… ولكننا ما كنحاربوش دابا، سمّيوها كيف ما بغيتو، هاد الشي ماشي هو المهم. المهم هو أننا حققنا نجاح كبير… ومنعنا إيران تاخد السلاح النووي».

وزاد ترامب أن مريكان كتحكم فـمضيق هرمز، وشار بلي بزاف ديال ناقلات النفط والسفن مازال كيدوزو منو.

واعتبر الرئيس الأميركي أن أهمية مضيق هرمز «ما بقاتش بحال قبل»، بسبب بدائل وخطوط أنابيب للنفط كيتبناو دابا.

وزاد: «رموكات البترول كدوز من سوريا، وعندنا بدائل لمضيق هرمز».

وأكد الرئيس الأميركي أن مريكان تقدر تقصف منشأة جبل الفأس النووية فإيران وشدد على أن طهران ما غاديش تاخد السلاح نووي.

وبخصوص أوكرانيا، قال ترامب إن المبعوث الأميركي الخاص ستيف ويتكوف، ونسيبو جاريد كوشنر، غادي يمشيو لروسيا وأوكرانيا باش يقدمو مقترح لإنهاء الحرب اللي مستمرة من هادي ربع سنين .

وأكد ترامب كذلك أنه ما كيعتقدش أن الرئيس الروسي فلاديمير بوتين باغي يهاجم دول حلف شمال الأطلسي، المعروف بـالناتو.