كود – وكالات //

هدد الرئيس الأمريكي السابق ترامب بضرب البنية التحتية النفطية فجزيرة خارك الإيرانية إلا ما حبساتش إيران مهاجمة السفن فمضيق هرمز، هاد التحذير يقدر يزيد يزعزع أسواق الطاقة اللي أصلاً كتعيش اضطراب كبير بسبب انقطاع تاريخي فالإمدادات.

وجا هاد التحذير نهار الجمعة فواحد المنشور لترامب فمواقع التواصل الاجتماعي، قال فيه باللي الولايات المتحدة “دمّرات بالكامل أهداف عسكرية فالجزيرة”  وكتعتبر جزيرة ”خارك“ أهم محطة لتصدير النفط الإيراني، حيث كيدوز منها تقريباً 90 فالمية من صادرات النفط ديال إيران، وكاي  على بعد  500 كيلومتر شمال غرب مضيق هرمز.

من جهتها ردّات طهران  بتدمير البنية التحتية للطاقة المرتبطة بمريكان فالمنطقة إلا  تعرض المركز النفطي الرئيسي ديالها لهجوم، الحرس الثوري قال ان جميع المنشآت النفطية والاقتصادية ومرافق الطاقة التابعة للشركات الأمريكية فالمنطقة غادي تدمر وتحرق الا وقع أي هجوم .