عن الوكالات ///

الرئيس الامريكي المنتخب دونالد ترامب كيهدد قبل ما يبدا مرحلتو الرئاسية ف20 يناير المقبل. ففتدوينة قال باللي خاص الافراج على الرهائن الاسرائيليين اللي شداتهم الفصائل الفلسطينية وخاصة “حماس”٬ من 7 اكتوبر 2023 باللي “ايلى ما طلقوش الرهائن٬ راه الثمن اللي غادي يتدفع فالشرق الاوسط غادي يكون كبير بزاف لهادوك المسؤولين اللي رتاكبو ديك الفضائع ضد الانسانية”

وزاد فتهديدو فمنشور ديالو على موقع التواصل الاجتماعي “تروث سوشيال”٬ “طلقو سراح الرهائن دابا. هادوك اللي تسببو فهاداك الحادث غادي يلحق بيهم ضرر كبر من اي ضرر لحق باي شخص فتاريخ الولايات المتحدة الطويل والحافل”

تهديد ترامب عندو علاقة بعد اعلان اسرائيل وفاة الرهينة عومر نيوترا، للي عندو جنسية مزدوجة أميركية إسرائيلية. حكومة نتنياهو كتعتاقد باللي جثة هاد الرهينة مازال محتجرة عند “حماس”.

تصريحات الرئيس المقبل لامريكا يمكن يسرع المفاوضات اللي بدات باش يتوصلو الاطراف لوقف اطلاق النار فغزة.

حركة “حماس” كانت علنات البارح باللي تقتل 33 اسير اسرائيلي عندها وقالت الحركة باللي معظم هادو تقتلو بسلاح الجيش الإسرائيلي لمناطق مختلفة من قطاع غزة منذ أكتوبر عام 2023.