عن الوكالات ////

دونالد ترامب رئيس ميريكان كاعي. كاعي بزاف على فرانسا والنگليز. ترامب هاجمهم فتدوينة حسابو على “تروث سوشيال” بسباب عدم تقديمهم للدعم لميريكان فتأمين مضيق هرمز.

وتهكم ترامب باللي كتب باللي بريطانيا من الدول الليما بقاتش قادرة تحصل على الكيروزيل لطياراتها بسباب اغلاق مضيق هرمز وذكرها باللي هاد الدول رفضات “عملية قطع راس النظام الإيراني”.

واضاف رئيس امريكا ان اللي بغى البترول يشريه من مريكان او ايلى كان شجاع يمشي لمضيق هرمز ووضح باللي هاد الدول =بريطانيا وفرانسا وغيرها== خاصها تتعلم تقاتل على راسها وان امريكا ما غادياش تبقى تعاونها من هاد النهار

ترامب اكد باللي الجزء الصعب من الحرب سالى وان “ايران تم تدميرها بشكل أساسي” وان باريس ولندن وووو خاصها تمشي لمضيق هرمز باش تاخذ نفطها

وجبد فتدوينة اخرى فرانسا وهاجمها بسباب منعها لطيارات فيها امدادات عسكرية تحلق فوق ارضها. هاد الطيارات كانت غادية لاسرائيل. ترامب قال على فرانسا باللي ما فيها فايدة فقضية جزار ايران اللي قدرات امريكا تقضي عليه حسب تعبيرو