الرئيسية > تبركيك > ترامب قودها ثاني. نايض العجاج على “تويت” كتبو الرئيس الامريكي كيهاجم فيه ضحية تحرش
22/09/2018 23:00 تبركيك

ترامب قودها ثاني. نايض العجاج على “تويت” كتبو الرئيس الامريكي كيهاجم فيه ضحية تحرش

ترامب قودها ثاني. نايض العجاج على “تويت” كتبو الرئيس الامريكي كيهاجم فيه ضحية تحرش

غيثة علام – كود//

الرئيس الأميركي دونالد ترامب، نوض هاذ الجمعة عاصفة على تويتر بعدما انتقد المرأة اللي كتاهم المرشح ديالو إلى المحكمة العليا بالاعتداء عليها جنسيا، حيت تسنات سنوات قبل ما تكشف شنو وقع.

وجا فتغريدة ترامب: انا متأكد انه كون كان الاعتداء اللي تعرضات ليه السيدة فورد بشع كيف وصفاتو، كون راها ديكلارات بيه فيه… كنطلب منها تجيب لينا هاد الديكلاراسيون باش نعرفو فوقاش وفين هادشي وقع.

وبسبب موقف ترامب، خرج هاشطاگ جديد سميتو  #لماذا_لم _أُبلّغ (#Why_Ididnt_Report) على تويتر، ومكلاصي اللول دابا في الولايات المتحدة.

وتراكمات عشرات آلاف التغريدات اللي فيها شهادات نساء قالو انهم وعلى غرار “كريستين فورد” بقاو سامتين  لفترة طويلة على تحرش أو اعتداء جنسي تعرضو ليه.

وكان بين الموقعات أسماء معروفة في حركة #أنا_أيضاً #MeToo، بحال الممثلتان آشلي جاد وأليسيا ميلانو.

موضوعات أخرى

23/10/2018 11:00

العشوائي في ولاية كازا سطات مبقاش مقتصر على البر ووصل إلى البحر.. شد ليا نقطع ليك في عين الدياب والسلطة دايرة عين ميكة في الصابليت والأجانب كيتفرجوا على شوهتنا العلالي- صور

23/10/2018 09:45

طلع قافز بزاف هاد اردوگان وباينة باغي ثمن سكوتو وصافي. ما گال والو على جريمة قتل خاشقجي وساوم السعودية وخلى الكورة فتيران “خادم الحرمين”