كود – وكالات //

قال الرئيس الأمريكي أن الولايات المتحدة قريبة توصل لاتفاق مع إيران، ووصف المفاوضات بأنها وصلت لمرحلة متقدمة بزاف.
ترامب قال باللي ممكن يتم التوقيع على الاتفاق فالأيام الجاية، وضاف أن الوثائق ديالو ولات واجدة وأن المرشد الأعلى الإيراني عطى موافقة أولية عليها حسب المعطيات اللي وصلاتو.

من جهتها، وزارة الخارجية الإيرانية أكدات أن الاتفاق مازال ما تحسمش بشكل نهائي، وخا أن نص التفاهم ولى قريب يكمّل ،المسؤولين الإيرانيين وضحو أن قطر وباكستان كيلعبو دور مهم فالوساطة بين الطرفين، وأن القرار النهائي غادي يتاخد بعد دراسة جميع البنود من طرف الجهات العليا فإيران.

على المستوى الاقتصادي، هبطات أثمنة النفط ب 5 فالمائة بعدما خرجت أخبار كتفيد بقرب التوصل لاتفاق بين واشنطن وطهران، وخا الأجواء الإيجابية اللي خلقها إعلان ترامب، مازال كاين حذر  من جميع الأطراف، خصوصاً وأن الحرب فلبنان.مزال مستمرة والتصريحات المتبادلة بين واشنطن وطهران مازال فيها نوع من عدم الثقة.