كود – وكالات//

قال الرئيس الأميركي دونالد ترامب فمؤتمر ديال الحزب الجمهوري أن مريكان ناوية تحقق الرباح باش تمنع “الخطر الإيراني”، وزاد قال: “ما غاديش نوقفو حتى نساليو مع العدو” ؤوضح ترامب قدام الحزب الجمهوري: “دمّرنا البحرية الإيرانية، وقدرات إيران من الصواريخ والدرونات حتى هوما نقصو بـ83%.

وزاد الرئيس الأميركي قال إن إيران كان عندها صواريخ كثر بزاف من داكشي لي كان كيحساب أي واحد، وشار أن القوات الأميركية دمّرات تقريباً 80% من مواقع ومنصات إطلاق الصواريخ الإيرانية و46 سفينة، ومصانع الصواريخ فإيران.

واعتبر ترامب أن إيران كانت دولة قوية، ولكن مريكان “طحناتها مزيان “وقال إن الحرب غادي تكون قصيرة، وزاد أن العمليات العسكرية ركزات باش تحيد القدرات الهجومية الإيرانية، وأنه لحد الساعة مريكان مازال كتخلي قصف أهداف كبيرة مرتبطة بإنتاج الضو والبنية التحتية كخيار من بعد إلا كان ضروري.

وقال الرئيس الأميركي إن الهجمات الإيرانية على الدول المجاورة “هبال ديال بصح”، وأكد أنه غادي يتم ضرب إيران بقوة أكبر إذا تضررات إمدادات النفط، وقال ترامب فمؤتمر صحافي إن إيران رفضات عرض باش تاخذ وقود نووي فابور وديما تستعملو مدنيا، وشار أن رفض طهران لهاد العرض كيأكد أنها باغا تاخد سلاح نووي عسكري.

وتابع ترامب وقال “من البداية فالفترة الرئاسية الأولى ديالي أگدت أنني غادي نحبس إيران باش مديرش سلاح نووي، وزاد ترمب وقال “قادتهم الإرهابيون يا إما تسالا أمرهم يا إما كيحسبو الدقايق الأخيرة قبل ما يودعو.

وأما بخصوص اختيار مجتبى خامنئي مرشد جديدا لإيران، اعتبر أن هاد القرار غادي يزيد يدير المشاكل لإيران، ويتكفس الوضع، وزاد قال إن الولايات المتحدة ممكن تعلن نجاح حملتها العسكرية ضد إيران، ولكن فـنفس الوقت غادي تتخذ خطوات إضافية.

وزاد: “هاد الحرب غادي تسالي ملي إيران تفقد القدرة باش دير أسلحة تهاجم بها مريكان ولا إسرائيل ولا حلفاءنا لمدة طويلة بزاف”.