كود – وكالات //

فاليوم الجمعة كانت نايضة فالحرب بين إيران من جهة، ومريكان وإسرائيل من جهة أخرى، مريكان ضربات جسر B1 فمدينة كرج، اللي كيتعتبر أكبر جسر فإيران وواحد من الشرايين الطرقية المهمة اللي كتربط كرج بطهران، وحتى طريق أساسي لسواحل بحر قزوين.

الهجوم داروه طيارات حربية أمريكية، وخلا على الأقل 8 قتلى وعدد من الجرحى ،وتزاد الهجوم ثاني على نفس البلاصة مني وصلات فرق الإنقاذ.

الرئيس الأمريكي ترامب نشر فيديو كيبان فيه انهيار أجزاء من الجسر والدخان طالع منو، وكتب: “أكبر جسر فإيران طاح وما غاديش يتستعمل مرة أخرى”. وزاد حذر : “القناطر دابا… ومن بعد محطات الطاقة”.

https://x.com/i/status/2039699355372753050

وفنفس النهار خرج الحرس الثوري الإيراني بخبر آخر ديال تطياح طيارة حربية أمريكية فوسط إيران.

الإعلام الإيراني قال باللي الطيارة من نوع F-35، ولكن محللين فمجال الطيران العسكري قالو من خلال تصاور أنها F-15E Strike Eagle تابعة للجناح القتالي 48 لي كاينة فقاعدة لاكنهيث فبريطانيا.

وتكلمات تقارير حتى على عمليات بحث وإنقاذ أمريكية وسط الأراضي الإيرانية، و ما زال ما خرج حتى تعليق رسمي من طرف الجيش الأمريكي ومكاين حتى تأكيد من البيت الأبيض.لحد الساعة .