كود – وكالات //

قال الرئيس الأمريكي دونالد ترامب باللي غا «يمحي إيران من الوجود» إلا كانت ناوية دير شي عملية اغتيال ضدو، هاد الكلام جا فواحد المقابلة تلفزية، فين أكد باللي عطى أوامر بالرد القاصح، واعتبر أن أي تهديد لحياتو غادي يتواجه برد ما سبقش ليه كان بحالو.

هاد التصعيد فالهضرة جا ردّ على تهديدات خرج بها الجنرال الإيراني أبو الفضل شكارجي، لي قال باللي إيران غادي تقتل ترامب إلى أمريكا ضربات المرشد الأعلى علي خامنئي، المسؤول الإيراني أكد باللي هاد الكلام ماشي غير هضرة خاوية، ولكن كيعبر على جدية موقف طهران إلى تعرّضات قيادتها لهجوم مباشر.

هاد التصريحات كاملين داخلين فإطار صداع كبير بين واشنطن وطهران، خصوصًا مع الاحتجاجات لي كتعرفها إيران من آخر شهر دجنبر. ترامب من قبل لمح أكثر من مرة لإمكانية تدخل أمريكي، ودعا لـ«قيادة جديدة» فإيران، وفنفس الوقت بعض المعارضين الإيرانيين فالخارج هضرو على عمليات عسكرية أمريكية الشي لي كيزيد يخوّف من تصعيد خطير فالمنطقة.