كود – وكالات //

علّق الرئيس الأمريكي دونالد ترامب على اختيار مجتبى خامنئي مرشد جديد لإيران، وقال بأنه ماشي راضي على هاد الخطوة وفتصريحات لشبكة Fox News البارح الاثنين، صرّح ترامب: “أنا ماشي فرحان بهاد القرار‘‘.

وزاد ترامب فتصريحاتو وقال إن إيران كانت فهاد ربعات شهور اللي فاتت عندها تقريباً 1200 صاروخ منيشين على عدد من الدول فالشرق الأوسط، وأكد أن دول المنطقة كانت كتخاف من إيران “لسبب وجيه”، ولكن حسب رأيو دابا الوضع تبدل وما بقاتش نفس الهيبة اللي كانت عند طهران.

اختيار مجتبى خامنئي فواحد التوقيت اللي كيبان فيه تحدي مباشر لترامب، حيث سبق للرئيس الأمريكي وعبّر على رفضو لهاد التعيين، ترامب كان وصف مجتبى بأنه ممقبلوش”، واعتبرو “شخص ضعيف وما عندوش الكفاءة” باش يسوگ البلاد.

و كان شدد ترامب شحال من مرة أن مريكان  خاصها تكون مشاركة فاختيار القائد الإيراني الجديد، وزاد أن أي قيادة جديدة فإيران “ما غاديش تدوم بزاف” إلا ما كانش عندها نوع من القبول أو التفاهم مع واشنطن.