كود – وكالات//

قال دونالد ترامب بلي غادي يطلع تاني الديوانة العالمية من 10% حتى لـ15%، من بعد ما المحكمة الكبيرة لغات جزء من الرسوم لي كانت، ترامب استعمل قانون التجارة ديال 1974 باش يفرض هاد الرسوم الجديدة لمدة 150 يوم، مع إمكانية الطعن فيها قضائياً، وقال بلي الإدارة ديالو غادي تبقى تفرض عشور “قانونية” باش تحمي الاقتصاد الأمريكي، حسب تقرير سي بي إس نيوز، هاد الإجراءات ممكن تكلف الأسرة الأمريكية المتوسطة تقريبا 1315 دولار فالعام، خصوصاً إذا بقات مورا 150 يوم.

فوسط هاد التطورات، ترامب قال بللي ناوي يرسل سفينة طبية لـ”غرينلاند”، باش يداوي الناس لي معندهمش الرعاية الصحية تما، هاد القرار جا وسط توترات دبلوماسية بين مريكان و الدنمارك على مستقبل غرينلاند، خصوصاً بعد تحركات وسط حلف شمال الأطلسي باش يتعزز الحضور العسكري فالمنطقة، هاد المبادرة حسب متابعين رسالة كتر مما هي إنسانية، وكتبين اهتمام واشنطن الاستراتيجي بالجزيرة القطبية وموقعها الحيوي عالمياً.