كود – وكالات //

علنات القيادة المركزية الأمريكية (سنتكوم) اليوم الجمعة 13 مارس 2026 بلي 4 من أصل ستة ديال طاقم الطيارة لي كتعطي المازوط ماتوا، من بعد ما طاحت فغرب العراق، كيف ما أكدات بلي عمليات الإنقاذ مازال خدامة، الوفيات تزادت مع سبعة آخرين كانو  تقـتلو فإطار العمليات العسكرية الأمريكية ضد إيران من 28 فبراير.

فوسط التوترات فـالشرق الأوسط وسدان مضيق هرمز، لقات روسيا راسها أكبر مستفيد اقتصادياً من هاد الوضع، حيث طلعات مبيعات النفط ديالها بشكل كبير وولات كتدخل تقريباً 150 مليون دولار إضافية فالنهار لميزانيتها، وهاد الشي خلاها تربح ما بين 1.3 و1.9 مليار دولار من ضرائب الصادرات حسب تحليلات صحفية، موسكو عاونها قرار ترامب ديال إعفاء النفط الروسي من العقوبات لمدة شهر، الشي اللي خلا دول كبار بحال الهند والصين يزيدو يعتمدوا عليها فالتزوّد بالطاقة.