گود سبور//

خايف الرئيس الميريكاني دونالد ترامب على لاعبين المنتخب الإيراني من نظام بلادهم، إلى شاركو فكاس العالم 2026، فالميريكان وكندا والمكسيك.

وقال ترامب فمنشور على منصة “تروث سوشيال”: كانرحبو بمشاركة المنتخب الإيراني فكاس العالم، ولكن ما مزيانش لهم يكونو فيها، على حياتهم وسلامتهم”.

وكان وزير الرياضة الإيراني خرج مؤخرا بتصريح وقال انه ما يمكنش منتخب ايران يشارك فكاس العالم 2026 فميريكان، حيث الميريكان دايرين عليهم حرب مع اسرائيل.

وكايعانيو الرياضيات والرياضيين بزاف بسبب النظام الإيراني، اللي كايعاقب اي واحد فيهم إلى عبر على المعارضة ديالو للقمع اللي كايعيشو الشعب الإيراني، بحال لاعبات منتخب ايران اللي هربو منهم 5 لعند البوليس فأستراليا باش يدفعو اللجوء خوفا من السلطات الإيرانية، حيث ما بغاوش يغنيو النشيد الإيراني فكاس اسيا د العيالات المقامة بأستراليا، وقبل منها منتخب الرجال نيت اللي رفضو يغنيو النشيد الإيراني فكاس العالم فقط 2022 فقط.