وكالات//

خطف الرئيس الميريكاني الجديد دونالد ترامب عاوتاني الأنظار مع مراتو، السيدة الأولى ميلانيا ترامب مباشرة بعد حفل التنصيب ديلاو رئيس جديد ديال البلاد، البارح الاثنين.

وبان ترامب وهو كيشطح مع مراتو ميلانيا الشطحة ديال “سلو” وناشط مع راسو هو وياها، وهي اللقطة لي وصفوها بزاف ديال الأنصار  ديالو بـ”الرومانسية”.

وشطح ترامب مع مراتو فوق المسرح بوحدهم على إيقاع أغنية “ترنيمة معركة الجمهورية”.

ونشرو ليهم بزاف ديال التصاور واللقطات الرومانسية قبل ماينضم ليهم نائب الرئيس الأمريكي، جيه دي فانس، ومراتو أوشا فانس، باش تشارك معاهم الشطيح.