كود كازا///

دوز الرئيس الامريكي دونالد ترامب 60 دقيقة ديال الجحيم فبرنامج تلفزيوني “60 دقيقة” على “سي بي اس” الاميركية البارح الاحد. ترامب تعصب بزاف باش جبدو ليه ابستين ونوضها مع الصحافية نورا اودونيل وقال ليها “خلينا نساليو هاد الشي” فاشارة للحوار

كلشي بدا باش جبدات لو الصحافية قضية ابستين والاتهامات بالاغتصاب والتحرش بالاطفال. نفى الرئيس هاد الشي، لكن الصحافية بدات تقرا ليه بيان فالموضوع فوقفها وقال ليه “انا ماشي مغتصب ولا متحرش بالاطفال. علاش تقراي هاد التخربيق على واحد مريض. كيدخلوني فشي حوايج ما عندي علاقة بيها. راه خديت البراءة من كلشي”

الصحافية سولاتو على مقطع “واش كيهدر عليك؟” هنا قال ليها عار عليك. دابا خلينا نساليو هاد المقابلة. ما كانش عليك تقراي هاد الشي فالبرنامج”

اسم ترامب كان تجبد فقضية المجرم الجنسي جيفري ايبستين وخرجو الاف الوثائق وديما ترامب نفى هاد التهم