عن الفاينانشال تايمز////

ترامب رئيس ميركان ناوي يدخل فحرب برية مع ايران. هاد الشي اللي بان فحوارو مع جريدة “فاينانشال تايمز” خرج البارح الاحد 29 مارس 2026. ترامب كان واضح باش قال باللي باغي يستولي ويتحكم فالنفط الايراني بحال كيفما دار مع النفط الفنزويلي.

ترامب كان حرفيا “باش نكون معاهم صادق. اللي عزيز لي هو الاستيلاء على نفط ايران” واضاف “شي اغبياء فامريكا قالو لي” علاش غادي ديرها؟” ولكن راهم اغبياء.

ترامب اضاف باللي باغي يتحكم فمركز التصدير فجزيرة خرج” ولكن ما حسمش واش غادي يبقى فهاد الجزيرة الايرانية ولا للا “نقدرو ناخذوها. نقدرو اللا. عندنا بزافت الخيارات. هاد الشي كيعني باللي ممكن نبقاو هنا شوية الوقت”.

رئيس ميريكان تايق فراسو. قال باللي ايران ما عندهاش باش تدافع على راسها وباللي يمكن لبلادو يستوليو بسهولة شديدة على هاد الجزيرة.

هاد التصريحات تزامنات مع جوجت الاحداث. امر البتاگون بنشر 10 الاف جندي فالمنطقة ووصول 3500 جندي الجمعة فيهم 2200 من المارينز وعدد مماثل جاي فالطريق. والحدث الثاني هو استمرار المفاوضات غير مباشرة بين ايران وامريكا برعاية باكستانية. يتوقع هاد المفاوضات تولي مباشرة بداية هاد السيمانا