كود – وكالات//

قال الرئيس الأمريكي دونالد ترامب، اليوم الأربعاء، باللي مذكرة التفاهم اللي كانت موقعة مع إيران باش توقف الصراع “سالا وقتها وما بقاتش عندها حتى قيمة”، وزاد “ضيعنا بزاف ديال الوقت مع إيران، وبالنسبة ليا هاد الملف تسد، وما عنديش حتى رغبة نهضر ولا نتفاوض مع الإيرانيين”. وزاد قال على القيادة الإيرانية بأنها “مريضة”.

وما وقفش ترامب عند إيران، ولكن هاجم حتى إسبانيا، وعلن أنه عطى أوامر لوزير الخزانة الأمريكي Scott Bessent  باش يوقف العلاقات التجارية مع مدريد، ؤ وصف إسبانيا بأنها “شريك عيان” وسط حلف الناتو، بسبب الخلافات على التزاماتها الدفاعية ومواقفها داخل الحلف.

ومني هضر مع الأمين العام ديال الناتو، مارك روته، قال ترامب: “الصين عاملاتنا معاملة مزيانة.” وزاد أنه راضي على الاتفاق ديال تيك توك.

وزاد ترامب تفاخر بالشعبية ديالو على المنصة، وقال: “أنا الشخص رقم واحد فتيك توك، عندي 4 مليارات مشاهدة”.