كود عن ڤوكس نيوز ///

قال الرئيس الامريكي دونالد ترامب فحوار مع قناة “ڤوكس نيوز” الميريكانية باللي ايران غادية ترجع للمفاوضات وغادية تعطي لميريكان كلشي.

ترامب قال بوضوح باللي ما غادروش المفاوضات وباللي يفتارض باش يرجعو ويعطيونا اللي بغينا واضاف “قلت لرجالي: باغي كلشي. ما باغيش 90 فالمائة او 95 بالمائة. باغي كلشي. راه ما عندهم حتى ورقة رابحة”

الرئيس الامريكي اكد باللي بلادو غادية تضرب ايران ايلى ما قبلاتش هاد الدولة شروط واشنطن

هاد الخروج جا بعد 21 ساعة من المفاوضات المباشرة الميركانية الايرانية فالعاصمة الباكستانية اسلام اباد. سالات اليوم فالصباح 12 ابريل 2026 وكان قاد الوفد الميريكاني نائب ترامب دجي دي فانس وقاد الوفد الايراني محمد باقر قاليباف. نائب ترامب كان قال باللي المفاوضات فشلات