كود- وكالات //

قال دونالد ترامب باللي الرئيس السوري أحمد الشرع “أنا لي عينيتو رئيس  ودابا كيدير خدمة مزيانة ط بزاف”. وأكد ترامب باللي الشرع راجل معقول ولكن ماشي ملاك، حيت كون كان ملاك  مغاظيش غادي يقدر ينجح فهاد المهمة الصعيبة.

وزاد ترامب وقال باللي سوريا دابا كتبان  كتتوحّد وكتمشي فالاتجاه الصحيح، وزاد باللي الشرع كيتعامل مزيان بزاف مع الأكراد، وهاد الشي كيبين باللي القيادة السورية عندها القدرة تسير الخلافات الداخلية وتحكم فالأزمات.

وآخر لقاء كان بين دونالد ترامب والرئيس السوري أحمد الشرع فـالبيت الأبيض فـنوفمبر 2025، من بعد ستة شهور من أول لقاء جمعهم  فالسعودية، فين أعلن ترامب فداك الوقت على  لرفع العقوبات على سوريا، وجا هاد الشي من بعد ما أعلنت الولايات المتحدة باللي أحمد الشرع ما بقاش “إرهابي عالمي مطلوب ”