كود – وكالات//

مني علنو الإيرانيين بلي تختار المرشد الأعلى الجديد ديالهم، قال الرئيس الأمريكي دونالد ترامب أن القائد الجديد “ما غيبقاش فالمنصب ديالو بزاف” إلا ما خذاش الموافقة ديالنا .

ترامب فتصريحاتو لشبكة ABC نيوز اليوم الأحد قال: “خصهم ياخدو موافقتنا.. إلا ما خذاوش موافقتنا، ما غيطولش فالمهمة ديالو”، وضاف: “بغينا نتأكدو باللي ما نحتاجوش نعاود نرجعو كل عشر سنين، خصوصا إلا مكانش رئيس بحالي لي يقدر يدير هاد الشي”، على حد تعبيرو.

وزاد: “ما بغيتش الناس يضطرّو يرجعو مرة أخرى ولا يخليو الإيرانيين ياخدو سلاح نووي”، كيف ما عاود أكد باللي “الضربات الأمريكية غتبقى حتى إيران تستسلم بلا شروط”، وزاد قال باللي مريكان كتفكر ضرب بلايص جداد ما تقاسوش حتى دابا.