عن الوكالات ///

رئيس امريكا دونالد ترامب قال باللي الهدرة اللي كانت مع رئيس روسيا بوتين وبعدو البارح رئيس أوكرنيا زيلينسكي كانت “مزيانة بزاف”.

وعطى تصريح للموقع الاخباري “بريتبارت” اكد فيه باللي هدفو “التقريب بين روسيا وأوكرانيا” وعاود وضح باللي كان هدف اخر هو “نقلل من الإنفاق الأميركي على دعم كييف”.

وهاجم جو بايدن الرئيس السابق باش قال باللي “تبرع بفلوسنا لاوكرانيا” فالمقابل فلوس الاوربيين لكييف كانت “على هيئة قروض”.

وفهاد السياق قال باللي دابا كاين تفكير باش تخلص اوكرانيا امريكا من خلال الاتفاق معها على قضية “المعادن النادرة”.

زيلنسكي فتصريح ليه بعد مكالمتو مع ترامب باللي ما تعرض حتى لشي ضغط من امريكا لتقديم تنازلات لموسكو. وقال للصحافيين باللي رئيس امريكا خبرو بتفاصيل اتصالو ببوتين

ترامب وزيلينسكي اتفقو البارح لاربعا باش يخدمو بجوج باش توقف الحرب والبيت الابيض وصف المكالمة للي وصلات لساعة ب”الرائعة”